தமிழ்நாடு வருகிறார் பிரதமர் நரேந்திர மோடி.. பயணம் திட்டம் வெளியீடு!
பிரதமர் மோடியின் தமிழ்நாடு வருகை குறித்து பயணத் திட்டம் வெளியாகி உள்ளது.அரசு நிகழ்ச்சிகள் மற்றும் பாஜகவின் பொதுக்கூட்டத்தில் கலந்து கொள்ள வரும் 27 மற்றும் 28 ஆம் தேதிகளில் பிரதமர் மோடி தமிழ்நாடு வர உள்ளார்.

அதன்படி, வரும் 27 ஆம் தேதி மதியம் 1.20 மணிக்கு கேரளா மாநிலம் திருவனந்தபுரம் விமானநிலையத்தில் இருந்து புறப்படும் பிரதமர், மதியம் 2 மணி அளவில் கோவை சூலூர் வந்தடைகிறார். அங்கிருந்து மதியம் 2.10 மணி அளவில் ஹெலிகாப்டர் மூலம் பிரதமர் மோடி திருப்பூர் மாவட்டம் பல்லடம் செல்கிறார்.மதியம் 2.45 முதல் 3.45 வரை என் மண், என் மக்கள் யாத்திரையின் நிறைவு விழா மற்றும் பொதுக்கூட்டத்தில் பிரதமர் மோடி பங்கேற்க உள்ளார். நிகழ்ச்சியை முடித்து விட்டு, பல்லடத்தில் இருந்து ஹெலிகாப்டர் மூலம் மாலை 5 மணி அளவில் மதுரை சென்றடைகிறார்.

மதுரையில் மாலை 5.15 முதல் 6.15 மணி வரை தனியார் பள்ளியில் நடைபெறும் நிகழ்ச்சியில் பிரதமர் பங்கேற்கிறார். இதனையடுத்து மாலை 6.45 அளவில் மதுரையில் உள்ள தனியார் நட்சத்திர விடுதிக்கு செல்லும் பிரதமர், அரசியல் கட்சிகளின் முக்கிய தலைவர்கள் மற்றும் பிரமுகர்களை சந்திக்க உள்ளார்.
மறுநாள் காலை 8.15 மணி அளவில் நட்சத்திர விடுதியில் இருந்து சாலை மார்க்கமாக பிரதமர் மோடி மதுரை விமான நிலையம் செல்கிறார். 8.40 மணிக்கு மதுரையில் இருந்து ஹெலிகாப்டர் மூலம் சுமார் 9 மணிக்கு பிரதமர் மோடி தூத்துக்குடி சென்றடைகிறார்.