HI TODAY WE SEE ABOUT HISTORY TEMPLES🛕
சூரிய கோயிலில் மறைந்திருக்கும் மர்மம்..!
பண்டைய கோயில்கள் ஆயிரமாண்டு கால வரலாற்றையும், பாரம்பரியத்தையும், மர்மங்களையும் தன்னகத்தே கொண்டுள்ளன.இந்தியாவில் சூரியனுக்காக அமைக்கப்பட்ட முதல் கோயில் என்று கோனார்க் சூரிய கோயிலை கூறுவதுண்டு. சூரியனின் ஒளி அமைப்பை உதயம், நண்பகல், மாலை என்று மூன்றாகக் கொண்டு மூன்று இடங்களில் சூரியனுக்கு ஆலயங்கள் அமைக்கப் பட்டதாக வரலாறு கூறுகிறது.
அந்த வரிசையில் உதயகால சூரியனுக்கான கோவில்தான் முதலில் அமைந்தது. அந்தக் கோவிலே இன்றைய ஒரிசா மாநிலத்தில் அமைந்துள்ள கோனார்க் சூரியனார் கோவில்
*சூரிய கோயிலில் மறைந்திருக்கும் மர்மம்..!
கோனார்க் சூரியனார் கோயில் ;
இடம் ; ஒரிசா
இந்த கோயில் முதலாம் நரசிம்ம தேவனால், 13ஆம் நூற்றாண்டில் கட்டப்பட்டது என்று வரலாறு கூறுகிறது. இந்த கோயிலின் உட்பகுதியை பார்த்தால் அந்த காலத்துலேயே இப்படி ஒரு கட்டட அமைப்பா என்று நாம் வியந்து போவோம். கோயிலுக்குள் தூண்கள் காணப்படவில்லை, ஏனென்றால் ஒவ்வொரு கற்களுக்கும் நடுவில் இரும்பு தூண்களைக் கொடுத்து இணைத்துக் கட்டியுள்ளனர்.
*17ஆம் நூற்றாண்டில் கோயிலின் ஒரு பகுதி இடிந்து விழுந்தது. அப்போது சரிந்த பகுதியின் மேல் 52 டன் காந்தம் இருந்ததாகக் கூறப்படுகிறது. இந்த காந்தம் தான் தூண்கள் இல்லாமல் கோயில் நிற்பதற்கு காரணம் என சொல்லப்படுகிறது.
*ஏழு குதிரைகள் பூட்டி, 24 சக்கரங்களைக் கொண்ட தேரில் சூரியன் எழுந்தருவது போல் இந்த கோயில் உருவாக்கப்பட்டுள்ளது. ஏழு குதிரைகள் என்பது ஏழு நாட்களும், 24 சக்கரம் என்பது 24 மணி நேரத்தையும் குறிக்கும் விதத்தில் இந்த கோயிலின் அமைப்பு உள்ளது.
*இந்தியாவில் சூரியபகவானுக்காக அமைக்கப்பட்டு எஞ்சி நிற்கும் கோவில் கொனார்க் சூரியக்கோவில் மட்டுமே. சிறப்புக்குரிய இந்தக் கோவிலை யுனெஸ்கோ அமைப்பு 'உலகப் பண்பாட்டுச் சின்னமாக' 1984ம் ஆண்டில் அறிவித்தது. கோவிலை சீரமைக்கும் பணிகளும் நடந்து வருகின்றன.